開左個杜sir既blog~呢篇係第一篇文~~
tosir2009.xanga.com

已經到左七月最尾的一個星期喇~
學生身份既最後一個暑假都已經過左一大半~唔知黎緊既一年老師生活會黎點既呢~

諗番之前搵工,當寄左超過200封信都未有interview既時候,真係有諗過放棄。
當時,曾經問過自己,究竟自己係唔係真係唔熟於呢個世界既呢,「老師」呢個名係唔係真係唔可以放係我身上呢~到左今日,雖然張約既terms未sure,但係都sure左黎緊一年會做老師,總算安心一d。

今日專登開呢個account, 就係用黎記住自己既人生將會揭開新既一頁, 亦都會借呢個地方, 記得杜老師對教學、對學生、對學校等等既一d感受。

老師, 將會係我第一份真真正正既全職工作, 亦都有可能會成為我未來三十年既工作。

中學、預科以至大學的學生生活入面, 俾左好多好多不同既回憶俾我, 嘗盡甜酸苦辣鹹。遇過好多唔同既老師,

阿廖misslingmissching史sir陳木華嚴sirMRWRONGmisspangaccmisslee吳sir李sir文sir江sir曾sirsunnysirmiss鄭石sirmiss許何sir簡sir李sirmissng新潘missliumiss施薯仔雄caarsirMiss HKdrkongdrsomisslamdrchengyydrtsang水海郭drngwinniedrhotokayandryudrlungdrleung關sir...........................

以上每一個老師都係獨一無二的,我既甜酸苦辣鹹,佢地都有份俾我既~
CY既幾年,阿廖一個老師,由中六學位到中五記缺點都係佢俾我既,企係一樓做暑假作業、"出入"排球隊、要贏人先要贏自己、得唔得掂唔掂贏唔贏、陳同學既卑鄙以至做人既執著、態度同埋做老師既哲學唔多唔少會受佢影響；記得grad din既時候有個miss記得我世史合格, 中一有個阿sir問我一個估唔到既問題, 中五上英文堂既盛況, "MR WRONG", 俾個訓導睇住我入樽, 中五小過, 開學第一日就俾訓導聽到d唔應該俾佢聽到既野, 中四有日番學瞓足四堂第二個小息就俾人照肺等等等等。
預科既兩年,成班同學先後令唔同既老師落淚, 新潘既師生關係, miss liu問我係唔係有病, 薯仔既粗口、裝炸彈言論, ca sir話見我家長, 中七運動會, 死性不改, 補測再補測, 踢波禁制令等等。

每個老師都有自己既一套,無論我同其他同學受唔受都好, 起碼宜家仲o係我個腦度, 好可惜亦都好好彩,以上的教學法、建立師生關係等等我都應該唔駛apply~因為以上的情況大部分都唔會o係小學出現。

以上咁多野都係講緊中學七年的老師,未講小學~小學既老師有好多都好深印象,因為佢地個個都好好~個個都好以對你仔咁教導你,但係由於事隔太耐,記得既事情、老師既處理手法真係唔多。好彩教院學到既同埋實習、教班經歷過既都可以幫到我將來的教學。

大學四年（差d漏左~宜家加番：Ｐ）, 第一堂開始見到dr so,miss hk既小學教學法, 水既warning letter, 海既無為, 郭既不妥, it sir既無耐, 個別學習差異以至全班學習能力與導師願景出現鴻溝, tutorial與大課的差別, dr leung對我的信心、包容, dr kong的教學, miss kong媽媽等等。呢幾年除左以上既老師之外,仲係一大班準老師身上學習左好多, 307的相互影響,"同儕備課",gs同埋其他科的試教, 大家分享實習經驗等等。此外,仲有FE4年總共超過二十位現職老師的指導, 都幫左我好多。

《每個學生都能成功》~7x24同埋lib都有呢本書,我覺得個書名好正,所以有幾次做功課我都拎埋佢陪我做, 見我淨係講書名~就知我未睇啦~希望日後有時間睇下究竟點樣先至每個學生都能成功。

以上無咩譜,無編排, 諗到就打既一段文字就係呢個blog既序言,希望我會一直打落去, 向同工、同學、學生分享, 亦都可以俾自己反思！